Mynydd Seion Casnewydd

Ein polisi yw diogelu lles pob plentyn ac unigolyn ifanc drwy'i amddiffyn rhag esgeulustod, a rhag niwed corfforol, rhywiol ac emosiynol.

Fel Eglwys yr ydym wedi ymrwymo'n llwyr i ddiogelu lles ein haelodau a'r rhai a ymddiriedir i'n gofal.

Disgwylir i aelodau Mynydd Seion, gweithwyr cyflog a gweithwyr gwirfoddol bob amser ddangos parch at hawliau plant a dealltwriaeth ohonynt, gan hybu ethos o wrando ar blant ac o sicrhau eu diogelwch a'u lles, gan ymddwyn mewn modd fydd yn adlewyrchu egwyddorion yr Eglwys Gristnogol.

Byddwn yn trin pob plentyn ac unigolyn ifanc a pharch ac urddas.

Byddwn bob amser yn barod i wrando ar blant heb eu beirniadu.

Gweithiwn i adeiladu perthynas iach a phlant a phobl ifanc ac i fod yn batrwm ymddygiad, gan osod esiampl dda.

Bydd plant a phobl ifanc yn cael eu goruchwilio bob amser.

Ni fydd gweithiwr gwirfoddol na gweithiwr cyflogedig yn gweithio ar eu pennau eu hunain:

0-2 oed - 1 aelod o staff i 3 o blant
2-3 oed - 1 aelod o staff i 4 o blant
3-7 oed - 1 aelod o staff i 4 o blant
8 oed a throsodd - 2 aelod o staff (o ddewis un o bob rhyw) ar gyfer hyd at 20 o blant a phobl ifanc. 1 aelod ychwanegol o staff ar gyfer pob 10 o blant a phobl ifanc ychwanegol